المدونة التالية
كافة المدونات

ليلة مطــــــر

كتبهامحمد الشاعر ، في 1 سبتمبر 2007 الساعة: 08:35 ص

كان ليا فترة كبيرة مشفتهاش علشان ظروف سفرى ، اتصلت بيها وقلتلها انى مستنيها فى نفس مكانا المعتاد ، ووقفت استناها وقلبى فيه شوق ولهفة تكفى العالم كله

وفى الوقت ده من السنة - يناير - فى القاهرة بتكون المطرة كتير قوى  وبدأت المطرة تمطر عليا و قفلت الجاكت بتاعى وفجاة وانا فى انتظاراها شقت عنيها خيوط المطر

جات عليا وعنيها بيها فرحة الدنيا وقفت مكانى مش عارف اتحرك حتى خطوة واحدة ، قربت منى وقفت قدامى فضلنا نبص لبعض  فات من الوقت اد ايه مش عارف  حتى الناس حولينا مش شايفنهم ،ضاعت منا الحروف لقانا كان اكبر من الكلام، اعتقد اننا نسينا نسلم على بعض

دى حكاية القصيدة دى  _ على فكرة الحكاية دى حقيقية

 

ليلة مطر

ليلة مطر والكون دا هس

والليل غريب واقف يبص

وحكاوى كتير وسط السما

وقمرنا طالل بعين ونص

 

وحدى واقــف وسط المطر

والضلمة خوف زرع الخطر

وحبيبتى طيف وسط الغيوم

ولقانا مـــوج بغصون شجر

 

هلقاكى يـــــــــــوم ولا لأ

وهـــــواكى زيف ولا حق

ولــــو انتى ليلى انا مجنون

وهاعيش فى قلبك ولو بكل دق

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج  |   دوّن الإدراج  

22 تعليق على “ليلة مطــــــر”

  1. حسن محمد توفيق قال:
    سبتمبر 1st, 2007 at 1 سبتمبر 2007 9:08 ص

    شكرا اخى الفاضل

    محمد الشاعر

    شعر جميل

    وحلو قوى

    لو انتى ليلى انا مجنون

    بس كانت تكمل لو قلت ولو انتى عبله انا برده عنتر

    شفت بنعرف نقول برده

    شكرا لك والى لقاء قريب لك كل التحية

  2. منة الله قال:
    سبتمبر 1st, 2007 at 1 سبتمبر 2007 12:28 م

    عمو محمد

    فى انتظارك قصة جميلة

  3. marmarelbayomy قال:
    سبتمبر 1st, 2007 at 1 سبتمبر 2007 2:50 م

    ا/محمد

    الليمون وصفة سحرية للجمال

    موضوع جديدفى انتظارك

  4. عبد العزيز لحي قال:
    سبتمبر 1st, 2007 at 1 سبتمبر 2007 2:53 م

    السلام عليكم

    بارك الله فيك أخي الفاضل على هدا الادراج

    بالتوفيق إن شاء الله

    تقديري وإحترامي

  5. دينا حامد قال:
    سبتمبر 1st, 2007 at 1 سبتمبر 2007 6:03 م

    كلام جميل ورائع
    شرفنى مرورك
    بالتوفيق

  6. ايناس(عاشقة التحدى) قال:
    سبتمبر 1st, 2007 at 1 سبتمبر 2007 9:12 م

    أحب قولك أحساسى وانا بقرى قصتك وشعرك أنها حقيقية من غير متقول لأن وصلى أحساسك العيون ليها كلام كثير واللى يفهمة اللى بيحب بس والعين بتوصل مشاعر أكثر من الكلام وكمان وعايزاك تقولى أنت صاحب الحكاية ولا سمعتها من حد بس شعرك حقيقى روعة وأنتظر منك الجديد وشكرا على مرورك بمدونتى .مدونة الفكر السجين

  7. بسمه ربيع قال:
    سبتمبر 1st, 2007 at 1 سبتمبر 2007 11:07 م

    وقمرنا طالل بعين ونص….شعورك جميل…تمنياتي بالتوفيق

    بس عازه اسألك سؤال

    مش عارفه انت كاتبها عشان القافيه ولا فعلا بتشوف وش انسان في القمر؟؟؟؟؟؟

    بصراحه انا ابتديت فعلا اتأكد إني الوحيده اللي بتشوف وش بنى آدم في القمر ,,,,,,,

    احيانا بشوفه بيضحك ,احيانا بلاقيه بجد حزين……..

    بليز متقولش علي مجنونه زي مبيقول الناس..انا بجد بشوفه كل يوم

    …………….

    باي

  8. محمد الناصري قال:
    سبتمبر 2nd, 2007 at 2 سبتمبر 2007 8:53 م

    الاخ العزيز محمد الشاعر

    قصيدتك جميله و قصتها اجمل

    في انتظار الادراج القادم

    تحياتي

  9. هبه خطاب قال:
    سبتمبر 2nd, 2007 at 2 سبتمبر 2007 9:51 م

    محمد الشاعر

    لقد نقلت لنا الحب بطريقة واقعية من خلال الابيات الرائعة والتى تعبر عن مدى حبك واخلاصك …تحياتى اليك .

  10. محمد الشاعر قال:
    سبتمبر 4th, 2007 at 4 سبتمبر 2007 6:30 م

    العزيزة / ايناس

    كنتى بتسالى اذا كانت القصة دى سمعهتها ولا حصلت معايا

    لا القصة دى حصلت معايا شخصيا … ومبقيش منها غير زكرى جميلة

    كل تحياتى لكى

  11. waga_elklooop قال:
    سبتمبر 4th, 2007 at 4 سبتمبر 2007 7:49 م

    اخى محمد

    الله عليك ,

    حقيقى كلمات بسيطه تصل للقلوب

    اشكرك على امتاعنا بها ,

    فلقد عشنا معك الموقف وكاننا هناك

    تحياتى وتقديرى

  12. سالي جاد قال:
    سبتمبر 5th, 2007 at 5 سبتمبر 2007 7:49 ص

    دعوة للتعرف علي رائعة نجم مدونة المعرفة لهذا الاسبوع

    هذه دعوه لكم للقراءة الممتعة

  13. حسن محمد توفيق قال:
    سبتمبر 6th, 2007 at 6 سبتمبر 2007 11:24 ص

    العزيز

    محمد

    موضوع جديد فى انتظارك ربما تود المشاركة

    شكرا لك والى لقاء قريب لك كل التحية

  14. alf_wagh_lel2amar قال:
    سبتمبر 6th, 2007 at 6 سبتمبر 2007 7:19 م

    البلوج كله كله اصلا ملوش حل انا احترت اعلق في ايه ولا ايه بجد احساسك عااااااااالي جدا وبيلمس القلب اوي

  15. جدو /وحيد قال:
    سبتمبر 7th, 2007 at 7 سبتمبر 2007 5:10 ص

    ايه الحلاوه دي انت كنت مستخبي فين

    يلا و رينا الهمه و ماتنمش ما فيش وقت للنوم للناس اللي زيك

    مدونه جميله حقيقي وواضح فيها عدم التكلف

    رنا معاك يا بني

  16. شمس فؤاد (عاشقة الصمت) قال:
    سبتمبر 8th, 2007 at 8 سبتمبر 2007 8:03 ص

    حقيقى بجد اشكركم جدا على زيارتكم الجميله ل ىولمدونتى

    وكم يسعدنى ويشرفنى رؤياكم فيها دائما بالكلام الجميل

    الذى يعطينى الأمل اكثر فى الكتابه

    بأتمنى ان الجميلع ميزعلش منى لانى بقالى فتره طويله اوى مزرتهومش فى مدونتهم

    فكانت ظروف مرضيه والحمد لله

    ولكم يكن عندى وقت يكفى بأننى ادخل وارزور كل المدونات

    ارسل الرساله دى للجميع

    لكى يقبلوا تحياتى وعذرى فأنا إشتقت جدا لزيارتكم وقرائة سطوركم الممتعه فانا أعشق قرأتها

    قتحياتى لكم من قلبى

  17. مراد ناجح قال:
    سبتمبر 15th, 2007 at 15 سبتمبر 2007 10:08 ص

    كلامك بسيط وجميل يامحمد وشكل مدونتك رائع وإلي الأمام دائما وكل سنه وإنت طيب

    بحلول شهر رمضان الكريم بس انا زعلان منك علشان مدخلتش مدونتي مره تاني وقلتلي رايك في القصائد الاخيره

  18. وائل المصري قال:
    أكتوبر 8th, 2007 at 8 أكتوبر 2007 12:22 ص

    كلمات جميلة

    وتحياتي لك

  19. Randa shawky قال:
    أكتوبر 15th, 2007 at 15 أكتوبر 2007 10:57 م

    عجبنى كتير طريقة عرضك لأحاسيسك ومشاعرك-طريقها لم اعتادها -بطريقة بسيطة وسلسه جداً تشد القارئ لقراءة الكلمات وتقفز العيون على السطور لكى تعرف ماذا حدث-وفعلاً بطريقة عفوية تدل على انسان راقى المشاعر والأحاسيس-فلاتجعل أحد يغير من هذه العفويه والنقاء الداخلى لك، حقيقى سعدت بزيارتى الخاطفه لسطورك ولكن وعد أن يكون لى زيارات وزيارات-كل سنه وانت طيب.

    أدعوك لزيارة سطورى ربما تعجبك0فلنتحاور ونتشاور.

    http://thedayunique.blogspot.com/

    http://rands1957.spaces.live.com

    تحياتى

    راندا

  20. علا بركات قال:
    يناير 21st, 2008 at 21 يناير 2008 8:42 م

    كلامك جميل واحساسك اجمل . الحب بينسي الزمن والناس والعقل وكل شيء

    ارجو المرور علي مدونتي الرومانسيه

    علا بركات

  21. الشاعر احمد حسن قال:
    فبراير 7th, 2008 at 7 فبراير 2008 9:38 ص

    يعطيك ربي العافيه على النص الجميل المميز

    والكلمات الساحره

    تحياااتي …. واحترامي …..,

  22. ثروت سليم قال:
    فبراير 15th, 2008 at 15 فبراير 2008 12:12 م

    الحبيب / محمد الشاعر

    كل لحظة وانت بحب

    وعدتك ازور مدونتك وتأخرت زيارتي فأعتذر لك للتأخير

    أما قصيدتك فقد ارسلت الدفء لقلبي رغم وقوفك في المطر تنتظر الحبيبة

    لك تحياتي

    الشاعر/ ثروت سليم …مصر



اكتب تعليــقك
الإسم الذي سيظهر على التعليق
مشتركي مكتوب
اسم آخر

« المكتوب
يـــــــا رب »